Mbi 3 mijë inspektime dhe rreth 600 mijë euro gjoba nga MINTI

Ministria e Industrisë, Ndërmarrësisë, Tregtisë dhe Inovacionit ka njoftuar se gjatë pjesës së parë të vitit ka realizuar mbi 3 mijë inspektime në kuadër të mbikëqyrjes së tregut dhe mbrojtjes së konsumatorëve.

Sipas MINTI-t, Inspektorati Qendror i Mbikëqyrjes së Tregut ka zhvilluar kontrolle në fusha të ndryshme, përfshirë tregun e derivateve të naftës, sigurinë e produkteve dhe mbrojtjen e konsumatorit, ndërsa janë shqiptuar rreth 600 mijë euro gjoba për shkelje të ndryshme.

Gjithashtu, janë kryer mbi 250 inspektime për verifikimin e përmbushjes së kushteve minimale teknike nga operatorët ekonomikë dhe janë trajtuar mbi 600 ankesa të qytetarëve.