Kurti: Përfshirja e komuniteteve është përgjegjësi e shtetit
Samiti i gjashtë rajonal mbledh në Prishtinë përfaqësues institucionalë dhe aktivistë për të diskutuar barazinë dhe përfshirjen sociale.
Redaksia ZHURMA · · 1 min lexim
Kryeministri i Kosovës, Albin Kurti, dhe ambasadorja e Zvicrës në Kosovë, Anne-Lise Cattin Hennin, kanë hapur Samitin e gjashtë Rajonal për Luftimin e Diskriminimit Racor ndaj komuniteteve rom, ashkali dhe egjiptian. Ngjarja dyditore, e cila po mbahet më 18 dhe 19 nëntor, synon të forcojë bashkëpunimin institucional dhe të avancojë politikat për trajtim të barabartë.
Në hapjen e ngjarjes morën pjesë edhe Habit Hajredini, Pajtim Zeqiri dhe Avni Mustafa, ndërsa Ambasada e Zvicrës bëri të ditur se angazhimet politike të vendeve të Ballkanit Perëndimor duhet të përkthehen në veprime konkrete. Kryeministri Kurti theksoi se barazia duhet të zbatohet në praktikë, duke deklaruar se «asnjë fëmijë nuk duhet ta ketë të ardhmen e kufizuar për shkak të rrethanave në të cilat ka lindur ose jeton».
Gjatë ditës së parë, diskutimet u shtrinë te roli i medias, punësimi, fuqizimi ekonomik, si dhe arsimi. Samiti organizohet nën udhëheqjen e Zyrës së Kryeministrit me mbështetjen e organizatave partnerë dhe Agjencisë Zvicerane për Zhvillim dhe Bashkëpunim.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar