Pse rrethohet Kuvendi me gardh metalik?
Policia raporton se deputetët e PS po hyjnë në ambientet e Parlamentit nga hyrja anësore, në krahun e Akademisë së Shkencave, ndërsa gardhet metalike rrethojnë të gjithë perimetrin e Kuvendit
Kuvendi i Shqipërisë do të mblidhet sot në seancë plenare, ndërsa i gjithë perimetri i godinës është rrethuar me gardh metalik. Sipas Gazeta Dukagjini, deputetët e Partisë Socialiste po hyjnë në ambientet e Parlamentit nga hyrja anësore, në krahun e Akademisë së Shkencave. Në hyrjen kryesore janë vendosur gardhet metalike që rrethojnë të gjithë perimetrin e Kuvendit.
Protestuesit kanë goditur me vezë deputetët, çka ka bërë që policia të reagonte duke i shoqëruar në komisariat. Disa prej protestuesve kanë çarë gardhin metalik dhe tentuan të hyjnë brenda Parlamentit, gjë që bëri që Policia të përdorte edhe spray lotsjellës. Në total, policia ka shoqëruar dhe ndaluar 20 persona pas incidenteve që shoqëruan protestën para Kuvendit, ku mbetën të plagosur 9 efektivë të policisë dhe u lënduan 5 protestues.
— Burim: Gazeta Dukagjini, https://www.dukagjini.com/kuvendi-i-shqiperise-nen-masa-te-rrepta-sigurie-rrethohet-me-gardh-metalik/
— Redaksia ZHURMA