KQZ nis skanimin e listave para numërimit të 12 mijë votave me kusht
Si synon Komisioni Qendror i Zgjedhjeve të shmangë votimin e dyfishtë para numërimit të fletëvotimeve të jashtëzakonshme?
Redaksia ZHURMA · · 1 min lexim
PRISHTINË — Komisioni Qendror i Zgjedhjeve ka filluar numërimin e votave të diasporës të premten në mbrëmje, një proces që pritet të zgjasë disa ditë. Zëdhënësi i KQZ-së, Valmir Elezi, njoftoi se nga 23 kutitë postare janë tërhequr mbi 85 mijë e 700 pako me fletëvotime, të cilat janë vlerësuar dhe bërë gati për numërim.
Pas përfundimit të numërimit postar, do të nisë procesi për votat me kusht dhe ato të personave me nevoja të veçanta. Zyrtarisht janë regjistruar 8 mijë e 751 votues me kusht në 52 vendvotime, si dhe 3 mijë e 144 votues me nevoja të veçanta që votuan përmes ekipeve mobile.
Megjithatë, para numërimit të këtyre fletëvotimeve, KQZ-ja ka nisur skanimin e listave të rregullta të votuesve. Ky krahasim i të dhënave bëhet për të evidentuar dhe parandaluar rastet eventuale të votimit të dyfishtë.
Burim: Telegrafi
— Redaksia ZHURMA
