Pse pezulloi KQZ "Eko-Levizjen e Gjelbër" dhe ç'organizata refuzoi?
Dy organizata u refuzuan, njëra për shkak të terminologjisë "Kosovo i Metohije", ndërsa "Eko-Levizja e Gjelbër" pezullohet për mosmbajtje të kuvendit zgjedhor.
PRISHTINË — Komisioni Qendror i Zgjedhjeve ka akredituar 29 organizata për vëzhgimin e zgjedhjeve të Kuvendit të Republikës së Kosovës, të planifikuara për 7 qershor 2026. Dy organizatave u refuzua akreditimi: njëra sepse nuk zhvillon veprimtari të lidhura me procesin zgjedhor ose të drejtat e njeriut, ndërsa tjetra, "Odbor za kontrolu i opservaciju", përdori termin "Kosovo i Metohije" në dokumentet e saj, që bie ndesh me rendin kushtetues të Kosovës. Refuzimi i dytë u miratua me 9 vota pro dhe një abstenim.
KQZ mori gjithashtu vendim për pezullimin e partisë politike "Eko-Levizja e Gjelbër" (ELGJ). Subjekti nuk kishte njoftuar zyrën për mbajtjen e kuvendit të tij zgjedhor të planifikuar më 25 maj 2026. Partisë i jepen 45 ditë për të mbajtur kuvendin; në të kundërtën, do të çregjistrohet. Vendimi u mor pa asnjë votë kundër e pa asnjë abstenim.
Burim: RTV21
— Redaksia ZHURMA