Pse duhet Kosova të zvogëlojë varësinë nga burimet lindore?
Eksperti i sigurisë Kolë Krasniqi thotë se SHBA-ja dëshiron të ndalojë varësinë e Kosovës nga burimet energjetike të pasigurta
PRISHTINË — Eksperti i sigurisë, Kolë Krasniqi, deklaroi se Shtetet e Bashkuara të Amerikës kanë pasur interes që Kosova të zvogëlojë varësinë energjetike dhe ekonomike nga burimet që mund të ndikojnë në sigurinë dhe pavarësinë e vendit.
Krasniqi theksoi se varësia energjetike lidhet drejtpërdrejt edhe me varësinë politike dhe se Kosova duhet të orientohet drejt burimeve dhe partneriteteve perëndimore.
“Nga aspekti gjeostrategjik, amerikanët e kanë pasur një interes dhe një qëllim që të ndalet varësia energjetike. Ne duhet me çdo kusht që ta ndërpresim varësinë tonë nga burimet jo të sigurta dhe tendencioze, ta orientojmë ekonominë dhe sigurinë tonë nga elementet perëndimore”, tha Krasniqi.
Burim: RTV21
— Redaksia ZHURMA