Sport
KOS
Kosova U18 barazon 1-1 me Slloveninë në Lojërat Mesdhetare
Dardanet e reja marrin pikën e parë pas dy humbjeve, golat nga Adela Sinani dhe Lana Kavas.
Redaksia ZHURMA
06:05
Përditësuar 06:19
1 min lexim
Kombëtarja e Kosovës U18 në konkurrencën e femrave ka barazuar 1-1 me Slloveninë në ndeshjen e tretë të Lojërave Mesdhetare "Taranto 2026".
Kosova e nisi mirë takimin dhe kaloi në avantazh që në minutën e gjashtë me golin e Adeles Sinani. Sllovenia reagoi dhe barazoi në minutën e 26-të me golin e Lanës Kavas. Pjesa e parë u mbyll 1-1, dhe në fraksionin e dytë asnjë ekipi nuk arriti të shënojë golin e fitores.
Ky është rezultati i parë pozitiv i Kosovës U18 në këtë edicion, pas humbjeve kundër Portugalisë dhe Marokut. Me këtë barazim, Kosova grumbulloi një pikë, ndërsa pozita përfundimtare në grup do të përcaktohet më vonë.