Kosova renditet e 14-ta në botë për sigurinë dhe rendin
Organizata Gallup publikon Indeksin e Ligjit dhe Rendit për vitin 2025, ku Kosova pozicionhet lart në listën globale.
Redaksia ZHURMA · · 1 min lexim
Kosova bën pjesë ndër 15 vendet e para në shkallë globale për sigurinë dhe rendin publik, sipas Indeksit të Ligjit dhe Rendit për vitin 2025 të publikuar nga organizata ndërkombëtare Gallup. Me gjithsej 90 pikë të arritura nga 100 të mundshme, vendi ynë ndan vendin e 14-të bashkë me Danimarkën, Finlandën dhe Hong Kongun.
Ky rezultat e vendos Kosovën para disa shteteve të njohura evropiane si Gjermania, Austria, Spanja, Franca dhe Portugalia. Sa i përket rajonit, Kosova lë pas Shqipërinë me 86 pikë, Malin e Zi me 84 pikë dhe Serbinë me 82 pikë. Në majën e kësaj renditjeje botërore kryeson Taxhikistani me 96 pikë, ndërsa pas tij vijnë Singapori dhe Emiratet e Bashkuara Arabe me nga 95 pikë, si dhe Vietnami me 94 pikë.
Matja e Gallupit përfshin aspekte të sigurisë së përditshme, ku llogariten përvojat e qytetarëve me sulmet fizike e vjedhjet gjatë 12 muajve të fundit, besimi tek autoritetet policore lokale dhe ndjesia e sigurisë gjatë ecjes vetëm gjatë natës.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar