Jasir Asani shënon golin jubilar 1100 për ekipin e tij Esteglal

Futbollisti i kombëtares shqiptare, Jasir Asani, ka qenë autor i një goli jubilar për ekipin e tij, Esteglal. Ai realizoi për 1-0 në derbin ndaj Sepahanit, duke shënuar rrjetën numër 1100 për klubin e tij në historinë e kampionatit iranian, një rekord pasi asnjë skuadër tjetër nuk ia ka dalë më shumë.

Ky ishte realizimi i tij i parë në këtë sezon në ligë, në ndeshjen e tretë, ndërsa në duelin e parë kishte shërbyer asist. Klubi i Teheranit e ka përgëzuar futbollistin për këtë arritje.