Si është gjendja e Hysni Mehanit pas sulmit në Skenderaj?
Kryetari i LVV-së në Skenderaj u lirua pas trajtimit për plagët e shkaktuara nga sulmi fizik në qendër të qytetit.
MITROVICË — Kryetari i degës së LVV-së në Skenderaj, Hysni Mehani, është liruar në shtëpi pas trajtimit mjekësor në Spitalin e Përgjithshëm të Mitrovicës. Lirimin e njoftoi zyra për media e spitalit.
Mehani u shtrua të enjten pas një sulmi fizik në qendër të Skenderajt në mesditë. Prokuroria e Mitrovicës konfirmoi se dy persona me iniciale E.L. dhe B.N. u ndaluan për 48 orë, nën dyshimet për veprën penale "Lëndimi i lehtë trupor".
Në njoftimin e Prokurorisë thuhet se janë intervistuar viktimat H.M. dhe B.Z., pesë dëshmitarë, si dhe dy të dyshuarit, të cilët me vendim të prokurorit u dërguan në mbajtje për 48 orë.
Burim: Gazeta Express
— Redaksia ZHURMA