Pse la Gjykata e Vlorës në burg rojën e Zvërnecit?
Gerald Biba do të qëndrojë në paraburgim deri në vijimin e procedurave ligjore për dhunimin e një protestuesi.
VLORË — Gjykata e Vlorës ka vendosur masën e sigurisë “arrest me burg” për Gerald Bibën, roja private që akuzohet për dhunimin e një protestuesi gjatë protestës së zhvilluar dy ditë më parë në zonën e Zvërnecit.
Pas shqyrtimit të materialeve hetimore dhe dëgjimit të palëve, gjykata vendosi që i dyshuari të qëndrojë në paraburgim deri në vijimin e procedurave të mëtejshme ligjore.
Ngjarja ndodhi gjatë protestës së organizuar nga banorë dhe aktivistë kundër projektit që po zhvillohet në zonën e Zvërnecit, ku pati tensione mes protestuesve dhe personave të angazhuar për sigurinë e projektit. Videoja e incidentit u shpërnda gjerësisht në rrjetet sociale, duke ngjallur reagime të shumta.
Burim: Zëri
— Redaksia ZHURMA