Sa do të gjobiten ata që hedhin mbeturina ilegalisht në Zvicër pas 1 gushtit?
Këshilli Federal standardizon në nivel kombëtar gjobat deri në 250 franga për hedhjen e paligjshme të mbetjeve urbane.
BERN — Nga 1 gushti 2026, personat që hedhin mbeturina në vende të palejuara në Zvicër do të përballen me gjoba deri në 250 franga. Rregullorja e re, e njoftuar nga Këshilli Federal, synon të standardizojë në nivel kombëtar gjobat për ndotjen e mjedisit dhe asgjësimin e paligjshëm të mbetjeve urbane.
Shuma e gjobës nuk do të jetë e njëjtë për çdo rast, por do të varet nga lloji dhe sasia e mbeturinave të hedhura. Masa ka për qëllim promovimin e ekonomisë qarkulluese dhe riciklimit, ndërkohë që autoritetet shpresojnë se do të kontribuojë në mbajtjen e hapësirave publike më të pastra në të gjithë vendin.
Burim: Gazeta Express
— Redaksia ZHURMA