Gjini konfirmon fjalimin në protestën e 12 shtatorit për UÇK-në

Kreu i Aleancës, Ardian Gjini, ka konfirmuar pjesëmarrjen dhe fjalimin e tij në protestën e 12 shtatorit në mbështetje të ish-krerëve të UÇK-së, duke theksuar se kjo ngjarje është për të mbrojtur historinë për luftën dhe lirinë e Kosovës.

Gjini ka deklaruar se protesta nuk lidhet vetëm me Hashim Thaçin, Kadri Veselin, Jakup Krasniqin apo të tjerët, por ka të bëjë me mbrojtjen e historisë dhe sakrificës së atyre që luftuan për liri. Më herët, Gjykata Speciale është përgatitur për vendimin e 16 shtatorit, ndërsa protesta në mbështetje të ish-krerëve të UÇK-së është thirrur nga platforma “Liria ka Emër”, katër ditë para shpalljes së aktgjykimit në Hagë.