Gal Gadot: Mëmësia është superfuqia ime
Aktorja foli për mëmësinë dhe përgatitjen për rolin në filmin aksion "The Runner".
Aktorja Gal Gadot e ka cilësuar mëmësinë si "superfuqinë" e saj. Ajo ka katër vajza me bashkëshortin Jaron Varsano: Alma, Maya, Daniella dhe Ori. Sipas saj, rritja e tyre është një përgjegjësi e madhe, por kur familja është mirë, ajo ndihet e pathyeshme.
Gadot, e njohur për rolin e Wonder Woman, ka folur edhe për filmin e ri aksion-thriller "The Runner", ku luan një avokate, djalin e së cilës e rrëmbejnë. Për këtë rol, ajo iu nënshtrua një përgatitjeje intensive fizike, duke u trajnuar për rreth nëntë muaj, përfshirë edhe me trajnerin olimpik Malachi Davis. Ajo ka pranuar se vrapimi ishte një sfidë e madhe, pasi nuk kishte qenë më parë vrapuese.
Filmi "The Runner" do të publikohet në Prime Video më 2 shtator. Pavarësisht angazhimeve profesionale, aktorja ka thënë se dëshiron të kalojë më shumë kohë me familjen dhe të udhëtojë me ta.