Fortesa Orana ndalet në gjysmëfinale dhe mbetet pa medalje
Karateistja Fortesa Orana është ndalur në gjysmëfinale në Lojërat Mesdhetare “Taranto 2026” dhe është diskualifikuar pa fituar medalje.
Karateistja Fortesa Orana është ndalur në gjysmëfinale të kategorisë +68 kilogramë në Lojërat Mesdhetare “Taranto 2026”. Ajo i shënoi dy fitore në garë, ku e nisi ditën me fitores ndaj Chaima Oudira të Algjerisë me rezultatin 4:3, kurse në luftën e dytë e mposhti sllovenen Zala Maria Zibret me rezultatin 4:2 për të siguruar vendin në gjysmëfinale.
Në gjysmëfinale, Orana u përball me portugezen Ana Rita Ferreira De Oliveira. Gjatë luftës, De Oliveira realizoi goditje për epërsi 3:0. Pas një aksioni, Orana u ankua se u lëndua në sy nga portugezja, ndërsa reagimi i saj u vlerësua i tepruar nga gjyqtarët. Për këtë arsye, ajo u diskualifikua nga e gjithë gara dhe mbetet pa medalje të bronztë.