Pse s'mundi të votonte gruaja e pensionistit në Ferizaj?
Në qendrën e votimit 'Tefik Çanga' një pensionist denoncon se bashkëshortja e tij u pengua të votonte sepse nuk di shkrim e lexim.
FERIZAJ — Në qendrën e votimit “Tefik Çanga” në Ferizaj ka nisur procesi zgjedhor. Një pensionist është shprehur i pakënaqur pasi bashkëshortja e tij, e cila nuk di shkrim e lexim, nuk ka mundur të ushtrojë të drejtën e votës.
“Jam i pakënaqur për arsye se bashkëshortja ime s’mund të shfrytëzojë të drejtën e saj ligjore dhe kushtetuese me votu, për të cilën jemi përkushtu. Si gjithherë kemi ardh me votu me dokument valid, vetëm për arsye se kemi marrë përgjigje se nuk mundet me votu, me i ndihmu askush, sepse kjo s’din shkrim e lexim, sikur çdo herë, por dikush e ka ndihmu me asistu”, tha ai.
Rasti ngre pyetje mbi zbatimin e procedurave të asistencës për votuesit me nevoja të veçanta gjatë ditës së zgjedhjeve.
Burim: Zëri
— Redaksia ZHURMA