Pse u kafshua një fëmijë trevjeçar nga një qen?
Ngjarja ka ndodhur në Hamburg të Gjermanisë, ku fëmija po luante me qenin e cili ndodhej në shportën e tij
— Një fëmijë trevjeçar ka mbetur i plagosur rëndë pasi u kafshua në fytyrë nga një qen i racës Dachshund në Hamburg të Gjermanisë. Sipas raportimit të BILD, ngjarja ka ndodhur në një shtëpi në pjesën perëndimore të Hamburgut, derisa fëmija po luante me qenin, i cili ndodhej në shportën e tij.
Qeni e sulmoi trevjeçarin, duke i shkaktuar lëndime serioze në anën e djathtë të fytyrës dhe në syrin e djathtë. Pas marrjes së njoftimit, në vendin e ngjarjes intervenuan policia, ekipet e ndihmës së shpejtë dhe një mjek urgjence, të cilët i ofruan ndihmën e parë fëmijës.
Më pas ai u transportua me autoambulancë në Qendrën Mjekësore Universitare Hamburg-Eppendorf (UKE), ku po trajtohet në repartin e pediatrisë. Sipas mediave gjermane, trevjeçari bërtiste nga dhimbjet gjatë transportimit për në spital. *Burim: Klan Kosova, https://klankosova.tv/qeni-kafshon-ne-fytyre-nje-femije-trevjecar-dergohet-me-urgjence-ne-spital/*
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.