Evropa ka qenë qëllim për Maqedoninë që nga pavarësia
Kryetari i LSDM-së, Venko Filipçe, u deklarua për orientimin evropian të vendit që nga koha e presidentit të parë, Kiro Gligorov.
Evropa ka qenë një qëllim kombëtar për presidentin e parë të Maqedonisë, Kiro Gligorov, që nga pavarësia e vendit, ka deklaruar kryetari i LSDM-së, Venko Filipçe. Ai i bëri këto theksime gjatë një aktiviteti të organizuar nga LSDM-ja me rastin e 35-vjetorit të pavarësisë, i cili u mbajt nën sloganin “Maqedonia është e tëra që kemi”.
Filipçe kujtoi se Gligorov që në vitet e para të pavarësisë e shihte Maqedoninë si pjesë të familjes evropiane, duke shtuar se orientimi drejt Evropës ishte pjesë e qëndrimeve të tij që në fillim të viteve ’90. Sipas tij, Gligorov e konsideronte Evropën si mjedisin natyror politik, ekonomik, gjeografik dhe civilizues të vendit, ndërkohë që theksonte se anëtarësimi kërkon punë, njohuri, mësim dhe reforma.
Kryetari i LSDM-së shtoi se edhe sot duhet të flitet me maturi për të ardhmen evropiane të vendit, pa hequr dorë nga interesat dhe dinjiteti kombëtar. “Pa përralla. Pa komplekse. Pa u gjunjëzuar para askujt. Por edhe pa vetëmashtrim”, u shpreh Filipçe.