Emin Emini diplomon me sukses në Arizona State University

Emin Emini ka përfunduar me sukses programin Master of Leadership and Management, duke arritur një mesatare prej 4.11 GPA dhe duke përfituar nga mundësia e diplomimit me Double Degree përmes UNI – Universum International College dhe Arizona State University, në kuadër të Thunderbird School of Global Management.

Me më shumë se një dekadë përvojë si inxhinier softueri, Emini udhëheq ekipe që zhvillojnë shërbime digjitale në Ministrinë e Punëve të Brendshme të Katarit. Ai theksoi se programi i tij master nisi në UNI dhe vazhdoi në ASU, duke i mundësuar të studionte pa e ndërprerë karrierën dhe duke e zbatuar çdo gjë në punë.

Në anën tjetër, UNI – Universum International College ofron programe si Master në Shkencë e të Dhënave, të dizajnuara për të përgatitur profesionistë për punësim, pozita udhëheqëse dhe ndërmarrësi, me diploma të fuqizuara nga Arizona State University, e cila njihet si universiteti më i madh publik në SHBA dhe i pari për inovacion.