Dukagjini-Feronikeli 74 ndryshon orar dhe luhet nën reflektorë

Java e dytë e Superligës së Kosovës vazhdon me dy përballje të reja, ku vëmendja kryesore është te dueli mes Dukagjinit dhe Feronikelit ’74, i cili ka pësuar ndryshim në orar dhe do të zhvillohet për herë të parë nën dritën e reflektorëve në stadiumin e Klinës, duke nisur në orën 19:00.

Më parë ishte publikuar vetëm orari i përgjithshëm i xhiros së dytë të Superligës, e cila kishte nisur të premten me ndeshjen mes Malishevës dhe Drenicës, ndërsa sot në program janë edhe dy ndeshje të tjera, ku Ballkani do ta presë Vushtrrinë në Suharekë nga ora 16:30.