Dua Lipa në negociata për Sanremos 2027

Dua Lipa mund të jetë pjesë e edicionit 2027 të Festivalit të Sanremos. Mediat italiane raportojnë se këngëtarja me origjinë shqiptare është në bisedime për të bashkëprezantuar eventin me Stefano De Martinon, i cili pritet të marrë rolin e drejtuesit artistik.

Negociatat thuhet se kanë ecur përpara, me qëllim që festivali të ketë një profil më ndërkombëtar. Dua Lipa ka performuar më herët në Sanremo, në vitin 2020, me këngën “Don’t Start Now”. Ende nuk dihet se në cilën natë të festivalit ajo mund të shfaqet, ndërsa kjo varet edhe nga angazhimet e saj artistike.