Dua Lipa feston 31-vjetorin, nëna publikon foton e dasmës

Këngëtarja me origjinë shqiptare Dua Lipa ka festuar 31-vjetorin e lindjes, disa muaj pas martesës me aktorin britanik Callum Turner. Në mesin e urimeve të shumta, vëmendje ka tërhequr urimi i nënës së saj, Anesa Lipa, e cila ka publikuar një fotografi të papublikuar më parë nga festimet e dasmës në Siçili.

Në foto, Dua Lipa shfaqet me fustan të shkurtër argjendi me shkëlqim, çizme deri te gjuri dhe vello nusërie, duke mbajtur një buqetë me lule të bardha. Pranë saj është Anesa Lipa, e veshur me fustan të zi të shkurtër dhe çizme të zeza.

Në mesazhin shoqërues, Anesa Lipa shprehet krenare për atë që është bërë vajza e saj dhe për gjithçka që ka arritur. Ajo i uron asaj një kapitull të ri plot momente të paharrueshme dhe arsye për të buzëqeshur, duke e mbyllur mesazhin me fjalët “Të dua pafund”.