Drilon Islami pëson thyerje të klavikulës dhe do të mungojë gjatë

TETOVË — Mesfushori i Shkëndijës së Tetovës, Drilon Islami, do të mungojë për një periudhë të gjatë jashtë terreneve sportive pasi ka thyer klavikulën e krahut të djathtë. Ndeshja përballë Shkëndijës së Haraçinës ka rezultuar fatale për lojtarin, i cili pësoi lëndim të rëndë pas një përplasjeje në fushë dhe u detyrua ta braktisë lojën, duke u transportuar me ambulancë në spital në duelin e zhvilluar në Çair.

Sipas komunikatës së skuadrës tetovare, ekipi mjekësor ende nuk ka vendosur nëse trajtimi do të kërkojë ndërhyrje kirurgjikale apo nëse rehabilitimi do të realizohet përmes terapisë.