DJ PM i quan të pavërteta shkrimet dhe kërcënon me padi

DJ PM ka dalë publikisht kundër disa shkrimeve të fundit për të, duke i quajtur ato të pavërteta dhe të paverifikuara. Në një postim në rrjetet sociale, ai tha se publikime të tilla dëmtojnë imazhin dhe reputacionin e tij dhe se është e papranueshme që informacione të tilla të paraqiten si fakte pa u verifikuar më parë me të ose me burime të besueshme.

Ai u bëri thirrje portaleve që të tregojnë profesionalizëm dhe përgjegjësi, duke mos publikuar informacione të pavërteta vetëm për klikime. DJ PM tha se është i gatshëm të japë sqarime dhe fakte të sakta për çdo informacion që lidhet me të, ndërsa paralajmëroi se nëse publikime të tilla vazhdojnë, do të ndërmarrë hapa ligjorë për mbrojtjen e reputacionit të tij.