Sa ofron Dinamo Kievi për Lumbardh Delllovën?
Klubi ukrainas kërkon qendërmbrojtësin e Kosovës nga CSKA Sofia, ku kaloi në 2024 për 350 mijë euro.
KIEV — Dinamo Kiev, një nga klubet më të mëdha në Ukrainë, ka shfaqur interesim konkret për mbrojtësin e Kombëtares së Kosovës, Lumbardh Dellova. Sipas mediumit bullgar Gol.bg, drejtuesit e klubit ukrainas janë të gatshëm të investojnë rreth 950 mijë euro për kartonin e 27-vjeçarit.
Dellova aktualisht luan për CSKA Sofia, ku u transferua në vitin 2024 nga Ballkani për një shumë prej rreth 350 mijë eurosh. Kontrata e tij me klubin bullgar vlen deri në verën e 2027-s, pozicion që i jep CSKA-s avantazh në negociata nëse oferta zyrtare materializohet.
Paraqitjet e fundit të Delllovës në Bullgari kanë tërhequr vëmendjen e skautëve të Dinamos, që kërkojnë të forcojnë repartin defensiv para sezonit të ri. Dellova u largua së fundmi nga grumbullimi i Kosovës për shkak të një lëndimi.
Burim: Telegrafi
— Redaksia ZHURMA