Dhërmi: Pse u zhyt në kaos rruga e plazhit të dielën?
Qindra familje shqiptare dhe të huaja mbetën të bllokuara për më shumë se një orë e gjysmë në rrugën që të çon drejt bregdetit.
DHËRMI — Kjo e diel qershori është kthyer në një makth të vërtetë për qindra familje shqiptare dhe të huaja që kishin zgjedhur të pushonin në plazhin e Dhërmiut. Një bllokim i madh i qarkullimit ka shkaktuar kaos të plotë në aksin rrugor kryesor që të çon drejt bregdetit.
Sipas pamjeve dhe mesazheve të dërguara nga vendngjarja, i gjithë aksi rrugor ka mbetur i bllokuar për më shumë se një orë e gjysmë. Në këtë situatë kaotike, në rrugë janë bllokuar familje të shumta, përfshirë fëmijë të mitur dhe të moshuar.
Qytetarët e bllokuar apelojnë që Policia e Shtetit të ndërhyjë menjëherë për të normalizuar trafikun. Kjo situatë tregon se, pavarësisht propagandës, autoritetet janë ende të papërgatitura për të administruar sezonin veror.
Burim: Ekonomia Online
— Redaksia ZHURMA
