Çfarë zbuluan dermatologët në Maqedoni për kancerin e lëkurës?
Mbi 100 pacientë u kontrolluan falas për melanomë; disa u referuan për ekzaminime të mëtejshme.
SHKUP — Klinika e Dermatologjisë organizoi kontrolle falas për zbulimin e hershëm të melanomës, me qëllim rritjen e ndërgjegjësimit për kontrollet preventive. Sipas dermatologes Zorica Zafiroviç, interesi i qytetarëve ishte shumë i madh dhe te disa persona u vërejtën ndryshime të dyshimta në lëkurë, për çka u udhëzuan për kontrolle të mëtejshme.
"Më gëzon fakti që pacientët janë vetëdijesuar dhe e kemi arritur qëllimi që ta rrisim vetëdijen për zbulimin dhe detektimin e hershëm të kancereve të lëkurës…Disa pacient i kemi udhëzuar për në klinikë, ndërsa mbi 100 pacient kemi kontrolluar," deklaroi Zafiroviç.
Dermatologia Silvija Duma theksoi se në dekadën e fundit është rritur ndjeshëm vetëdijesimi, ndonëse para 15 viteve pacientët vinin shpesh vonë. Mjekët apeluan që qytetarët të mos neglizhojnë ndryshimet në lëkurë, pasi zbulimi i hershëm rrit mundësitë për trajtim të suksesshëm.
Burim: Zëri
— Redaksia ZHURMA