Damka: Besoj se me opozitën do të ketë marrëveshje për presidentin
Deputeti i komunitetit turk thotë se mbështet formimin e institucioneve
PRISHTINË — Deputeti i komunitetit turk, Fikrim Damka tha se mbështet formimin sa më të shpejtë të institucioneve të reja. Ai shprehu gjithashtu besimin se do të arrihet një marrëveshje me opozitën edhe për zgjedhjen e presidentit.
“Jemi për krijimin e institucioneve sa më shpejt, ashtu që do ta votojmë kryetarin e Kuvendit dhe formimin e qeverisë. Besoj se me opozitën do të ketë një marrëveshje rreth presidentit”, deklaroi Damka për “Front Online”
Sipas tij, Kosova nuk ka më kohë për të humbur dhe vendit i nevojitet stabilitet institucional. “Kosova ka humbur shumë kohë dhe duhet të kemi stabilitet në institucione”, u shpreh Damka.
Burim: Gazeta Metro, https://gazetametro.net/damka-besoj-se-me-opoziten-do-te-kete-marreveshje-per-presidentin-mbeshtes-formimin-e-institucioneve/
— Redaksia ZHURMA