Pse e quan Cakolli 2 mln € për linja ajrore qershi të keqpërdorimit zgjedhor?
IKD akuzon qeverinë në detyrë për shpërdorim të buxhetit me subvencionet për fluturimet e mërgatës.
PRISHTINË — Qeveria në detyrë ka ndarë 2 milionë euro për mbështetjen e linjave të fluturimit për destinacionet që shërbejnë mërgatën, në një mbledhje elektronike të mbajtur mbrëmjen e së martës. Vendimi bën pjesë e Masës 4.5 "Mbështetja e Mërgatës" të Pakos së Ringjalljes Ekonomike.
Eugen Cakolli, hulumtues në IKD, e ka quajtur vendimin "qershia mbi tortë në keqpërdorimin e resurseve publike për qëllime puro elektorale". Ai paralajmëroi se kjo "e tejkalon dimensionin e shkeljeve ligjore dhe e cenon drejtpërdrejt e seriozisht parimin e zgjedhjeve të ndershme". Sipas Cakollit, qasja e qeverisë në detyrë po e shndërron garën në proces "krejtësisht të pabarabartë", ku partia në pushtet krijon epërsi përmes parasë publike dhe avantazhit institucional.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.