Brukseli prezanton mundësi investimi për Malin e Zi

Kreu i Drejtorisë për Zgjerim në Komisionin Europian, Gert Jan Koopman, deklaroi se përparimi i paprecedentë i Malit të Zi drejt anëtarësimit në Bashkimin Europian po hap mundësi të mëdha për investime në vend. Ai vlerësoi konferencën e sotme të Investimeve BE–Mali i Zi, ku bizneset e BE-së dhe Malit të Zi prezantuan plane investimi në sektorë strategjikë si energjia, teknologjia digjitale, logjistika dhe agroushqimi.

Mali i Zi është vendi që ka përparuar më së shumti drejt BE-së nga vendet kandidate për anëtarësim. Më 12 tetor, Bashkimi Europian mbylli përkohësisht negociatat për tre kapituj të tjerë, duke hapur 33 kapituj negociues dhe duke mbyllur përkohësisht 21 prej tyre.