Brazili mposht Shqipërinë në Botërorin e Socca-s dhe ndeshja mbyllet me tension

Kombëtarja shqiptare e Socca-s është mposhtur nga Brazili me rezultatin 7-2 në ndeshjen e 1/16-tave të Kampionatit Botëror që po mbahet në Essen të Gjermanisë, duke u eliminuar nga ky aktivitet.

Disfata është përjetuar rëndë nga kuqezinjtë, të cilët pas mbylljes së takimit nuk kanë ruajtur qetësinë. Menjëherë pas sinjalit përfundimtar të arbitrit, lojtarët e dy skuadrave janë përplasur fizikisht me njëri-tjetrin.

Situata ka kërkuar ndërhyrjen e stafit dhe të arbitrit kryesor për të qetësuar tensionin e krijuar mes futbollistëve, ndërkohë që shkëndija e incidentit mësohet se kanë qenë provokimet nga tifozëria braziliane.

Burimet: Albeu (klaster 1 outlets).