Blair Isufi renditet në Top 60 para sfidës së re në Miss World 2026

Përfaqësuesja e Kosovës në garën ndërkombëtare Miss World 2026, Blair Isufi, ka shënuar sukses duke u renditur në Top 60 pas kalimit të Top Model Challenge, ndërsa tashmë e pret sfida Head-to-Head Challenge. Ajo kishte vetëm katër ditë afat për t'u bërë gati para se të nisej drejt Vietnamit, duke vendosur t'i përkushtohet plotësisht këtij mundësie.

Në videon e saj të prezantimit, Isufi ka ndarë detaje nga jeta mes Ferizajit dhe Shteteve të Bashkuara të Amerikës, duke theksuar se rritja në dy kultura e ka ndihmuar të kuptojë rëndësinë e identitetit, familjes dhe qëndresës. Ajo ka shprehur synimin e saj për të dëshmuar forcën dhe bukurinë e vendit në këtë ngjarje të madhe.