BE: Kushtetuesja të gjykojë formimin e Qeverisë dhe Kuvendit

Bashkimi Evropian tha se i takon Gjykatës Kushtetuese të Kosovës që të japë vlerësime rreth kushtetutshmërisë së konstituimit të Kuvendit dhe formimit të Qeverisë. Një zëdhënës i Komisionit Evropian tha se BE-ja është në dijeni të votimeve të së dielës dhe të kërkesës së paraqitur në Gjykatën Kushtetuese lidhur me këto vendime.

Zëdhënësi shtoi se Kosovës i duhen institucione “plotësisht të konsoliduara” për të avancuar në rrugën e integrimit në BE, përfshirë edhe në kuadër të Planit të Rritjes për Ballkanin Perëndimor.

Kujtojmë se PDK-ja e dërgoi një lëndë në Gjykatën Kushtetuese për të vlerësuar kushtetutshmërinë e konstituimit të Kuvendit, pasi nuk mori pjesë në seancën konstituive dhe në votimin e Qeverisë së re.

Burimet: Vox Kosova; Illyria (NY, SHBA); Zhurnal.mk; VOAL — Voice of Albanians; Telegrafi (klaster 7 outlets).