Banorët e Këlcyrës protestojnë kundër bashkimit me Përmetin
Dhjetëra qytetarë u mblodhën të premten në sheshin qendror për të kërkuar funksionimin e Këlcyrës si bashki më vete, duke mbrojtur historinë e zonës.
KËLCYRË — Banorët e Këlcyrës janë ngritur në protestë këtë të premte për të kundërshtuar projektin e reformës së re territoriale, i cili parashikon shkrirjen e kësaj njësie administrative. Dhjetëra qytetarë u mblodhën pasdite në sheshin qendror për të kërkuar që Këlcyra të vazhdojë të funksionojë si bashki më vete dhe të mos bashkohet me Përmetin.
Protestuesit e cilësuan propozimin për bashkimin e bashkive si një vendim të dëmshëm që zbeh vlerat e tyre historike, kulturore dhe administrative. Duke mbajtur pankarta me mesazhet si “Këlcyra historike” dhe “Këlcyra e kulturës”, ata kërkuan tërheqjen nga ky plan që sipas tyre injoron rëndësinë e veçantë të zonës.
Burim: Euronews Albania
— Redaksia ZHURMA