Balde hedh poshtë zërat për largim — synon të qëndrojë te Barcelona
Mbrojtësi anësor i Barcelonës synon të mbetet në vendin e tij të lindjes
BARCELONË — Mbrojtësi anësor i Barcelonës, Alejandro Balde, ka hedhur poshtë zërat se do të largohet nga ky klub. Ai e quajti Barcelonën shtëpi, dhe synon që të mbetet në vendin e tij të lindjes. “Barça është shtëpia ime. Kam qenë në këtë klub për 16 vjet, gjithë jetën time”, ka thënë Balde, duke theksuar lidhjen e tij të ngushtë me klubin ku ka kaluar të gjithë jetën e tij.
“Dua të kem sukses këtu, mendja ime është këtu. Jam nga Barcelona, ky është vendi im. Ajo që mendoj është të vazhdoj këtu edhe për shumë vite të tjera. Nuk jam duke u larguar”, vazhdon ai, duke shtuar se mendja dhe dëshira e tij janë të vazhdojë karrierën në klubin e tij të lindjes.
Burim: Ekonomia Online, https://ekonomiaonline.com/balde-nuk-po-largohem-nga-barcelona-ketu-jam-lindur-e-rritur/ — Redaksia ZHURMA