Avokati shqiptaro-amerikan i kërkon Edi Ramës dorëheqjen

Avokati shqiptaro-amerikan Joseph Dedvukaj i ka drejtuar një letër të hapur kryeministrit Edi Rama, ku i kërkon dorëheqjen dhe nisjen e një procesi për kalimin paqësor e kushtetues të pushtetit. Në letrën e tij, ai shpreh shqetësimin për zhvillimet politike në vend, protestat e studentëve, akuzat për korrupsion ndaj zyrtarëve të lartë dhe pretendimet për dhunë policore.

Dedvukaj thekson se rezultati i zgjedhjeve parlamentare të 11 majit 2025, ku Partia Socialiste siguroi 83 nga 140 vendet në Kuvend me 856.177 vota, duhet të respektohet, por shton se mandati nuk e përjashton kryeministrin nga përgjegjësia për menaxhimin e krizës. Sipas tij, largimi duhet të shihet si akt përgjegjësie dhe jo si lëshim ndaj dhunës, duke bërë thirrje për një marrëveshje mes mazhorancës dhe opozitës me përfshirjen e studentëve dhe shoqërisë civile.

Avokati u referuje neneve 96, 97, 105 dhe 106 të Kushtetutës dhe propozon ndryshime kushtetuese për kufizimin e mandateve të kryeministrit. Ai dënon aktet e dhunshme gjatë demonstratave dhe kërkon hetime të pavarura për përdorimin e paligjshëm të forcës nga policia, ndërsa refuzon një ftesë të mëparshme për një funksion konsullor në Miçigan.