Arrest shtëpie për pronarin e pishinës ku humbi jetën 15-vjeçari
Për çfarë akuzohet Ermal Koko pas vdekjes së 15-vjeçarit në Gjirokastër?
GJIROKASTËR — Gjykata e Shkallës së Parë në Gjirokastër ka caktuar masën e sigurisë "arrest në shtëpi" për shtetasin Ermal Koko. Ky i fundit është pronari i pishinës ku vetëm katër ditë më parë humbi jetën një i mitur 15-vjeçar i identifikuar me inicialet A.P.
Mbi 47-vjeçarin Koko rëndon akuza e shkeljes së rregullave të mbrojtjes në punë. Për këtë vepër penale, pronari i subjektit u ndalua që në ditën e ngjarjes me urdhër të Prokurorisë dhe mbetet zyrtarisht person nën hetim për këtë ngjarje të rëndë.
Vdekja e 15-vjeçarit A.P. ndodhi disa çaste pasi ai u zhyt në ujë në këtë pishinë. Sipas dyshimeve që po hetohen nga autoritetet, adoleshenti dyshohet se ka ndërruar jetë si pasojë e një infarkti të pësuar gjatë zhytjes, ngjarje kjo që çoi në ndalimin e pronarit.
Burim: ABC News
— Redaksia ZHURMA