Alarmi i transportit publik

Operatorët e transportit publik kanë ngritur alarmin për kushtet e vështira financiare që po përballen, duke kërkuar kompensim për naftën deri në shtator.

Sipas burimeve, operatorët kanë dërguar letrën e dytë të muajit gusht 2026 drejtuar ministrive të Financave, të Ekonomisë, Infrastrukturës dhe Energjetikës, Pushtetit Vendor dhe Bashkisë së Tiranës, duke shprehur shqetësimin për situatën e vështirë në të cilën gjendet transporti.

Shqetësimi i operatorëve vjen nga shtrenjtimi i lartë i naftës dhe rënia e numrit të pasagjerëve, gjë që po bën të vështirë për ta përballuar kostot e operimit.

Operatorët kanë deklaruar se masat e kompensimit të ndërmarra deri më tani kanë qenë një mbështetje e domosdoshme për ruajtjen e ekuilibrit financiar dhe vijimësinë e shërbimit, por kompensimi i dhënë për periudhën mars-prill-maj është i pamjaftueshëm për të garantuar vazhdimësinë e shërbimit gjatë muajit gusht.