Akuza të rënda nga Berisha ndaj Ramës për përdorimin e Vlora Hysenit

VLORË — Lideri demokrat Sali Berisha ka ngritur akuza të rënda ndaj kryeministrit Edi Rama dhe ish-drejtueses së Shërbimit Informativ të Shtetit, Vlora Hyseni, duke pretenduar se ajo është përdorur për survejimin e opozitës dhe të kundërshtarëve politikë brenda Partisë Socialiste.

Gjatë komunikimit me qytetarët në rrjetet sociale, Berisha deklaroi se veprimtaria e Hysenit ka qenë në funksion të karteleve të drogës dhe kundër interesave të Shqipërisë. Sipas tij, janë bërë qindra regjistrime të paligjshme dhe janë transferuar sekretet shtetërore, përfshirë të dhënat e sistemit TIMS.

Kreu i Partisë Demokratike shtoi se grupi i Ergys Agasit ka përdorur Agjencinë Kombëtare të Shoqërisë së Informacionit dhe Vlora Hysenin për të regjistruar opozitarët dhe shërbimet diplomatike në shkelje të Konventës së Vjenës.