Aksident i rëndë në Gjermani, humb jetën 29-vjeçari pasi makina u përplas me pemët

Një aksident i frikshëm ka ndodhur në Gjermani, ku një 29-vjeçar ka ndërruar jetë. Sipas mediave vendase, ngjarja ka ndodhur në rrugën e distriktit “VG 22 në Mecklenburg-Pomerania Perëndimore”, teksa pamjet nga vendngjarja tregojnë një pjesë të makinës të varur në një pemë.

Sipas raporteve fillestare të policisë, shoferi 29-vjeçar gjerman humbi kontrollin e automjetit të tij në një kthesë të majtë midis qyteteve Pritzwald dhe Rubenow, doli nga rruga në të djathtë dhe u përplas me disa pemë në anë të rrugës. Në momentin e ngjarjes, ai ka qenë i vetëm në makinë tip “Volkswagen VW Atlas”, e cila u shkatërrua plotësisht nga goditja e fortë.

Disa pjesë të makinës shpërthyen në flakë, duke kërkuar ndërhyrjen e zjarrfikësve për të shuar zjarrin.