Rritet numri i kosovarëve që mendojnë largimin — tregon sondazhi i NDI
Çmimet e mallrave shqetësojnë 56.6% të të anketuarve
PRISHTINË — Një sondazh i Institutit Kombëtar Demokratik (NDI) tregon se qytetarët e Kosovës vazhdojnë të përballen me vështirësi ekonomike. Sipas të dhënave, çmimet e mallrave janë shqetësimi kryesor për 56.6 për qind të të anketuarve, pasuar nga çmimet dhe furnizimi me energji elektrike me 43.8 për qind dhe papunësia me 40.2 për qind.
Vështirësi më të mëdha financiare paraqiten edhe në blerjen e ushqimeve, kujdesin shëndetësor dhe pagesat e kredive. Sondazhi tregon gjithashtu rritje të numrit të qytetarëve që po mendojnë të largohen nga Kosova, ndërsa përqindja e atyre që duan të qëndrojnë ka shënuar rënie krahasuar me vitin e kaluar. Burim: Gazeta Metro, https://gazetametro.net/sondazh-nga-ndi-rritet-pesimizmi-e-deshira-per-largim/
— Redaksia ZHURMA