Shteti hap pesë thirrje publike për tokë bujqësore
Cilëve fermerëve u jep përparësi shteti, për herë të parë prej rreth 20 vitesh, në thirrjen për Manastirin dhe Prilepin?
SHKUP — Ministria e Bujqësisë, Pylltarisë dhe Ekonomisë së Ujërave publikoi më 11 korrik pesë thirrje publike për dhënien me qira të tokës bujqësore në pronësi të shtetit, mbi tre hektarë. Njoftimin e bëri ministri Cvetan Tripunovski, duke thënë se me këtë u përmbush edhe një premtim i Qeverisë.
Në kuadër të Thirrjes publike nr. 01/26, që përfshin rajonet e Manastirit dhe Prilepit, për herë të parë prej rreth 20 vitesh përparësi në ndarjen e tokës do të kenë blegtorët. Qëllimi, sipas ministrit, është zhvillimi i blegtorisë si një prej degëve më të rëndësishme të bujqësisë.
«Vazhdojmë me politikat për vënien në funksion të çdo hektari të tokës bujqësore në dobi të bujkut», tha Tripunovski. Ministri shtoi se synohet krijimi i një bujqësie më të fuqishme dhe më të qëndrueshme, ndërsa bujqit e interesuar mund të informohen për kushtet pranë njësive rajonale të Ministrisë.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.