Pse rriten shtesat për fëmijë në Kosovë?

— Burim: Telegrafi, https://telegrafi.com/shtesat-per-femije-nen-llupen-e-shtetit-verifikohen-mijera-perfitues-potencial-nga-diaspora/
— Redaksia ZHURMA

Ministria e Financave ka nisur një proces të gjerë verifikimi për t'i pastruar listat e përfituesve të shtesave për fëmijë, pas alarmeve të emigrimit që i dhan Agjencia e Statistikave. Rreth 400 mijë fëmijë në Kosovë marrin çdo muaj shtesat e rritura nga qeveria, por jo të gjithë ata jetojnë realisht këtu.

Sistemi aktual i shpërndarjes së parave publike po përballet me kritika të ashpra nga ekspertët. Mungesa e kritereve të qarta dhe mosndërlidhja e sistemeve elektronike mes institucioneve po shihet si një mundësi e hapur për keqpërdorimin e fondeve shtetërore.

Alarmi vjen pas largimit të mbi 37 mijë qytetarëve nga Kosova vetëm brenda një viti, duke ngritur dyshime se mijëra fëmijë që jetojnë në mërgim, vazhdojnë të paguhen nga buxheti i shtetit. Rritja e shtesave për fëmijë, dukshëm ka rritur edhe numrin e përfituesve të këtyre shtesave.

Ministria e Financave pretendon të rregullojë këtë sektor me ligj, duke paralajmëruar një bazë të re ligjore që do ta rregullojë këtë skema sociale. Procesi i verifikimit po bëhet përmes platformës e-Kosova, por edhe përmes Departamentit të Skemave Sociale.

Sfida kryesore për institucionet mbetet garantimi që këta miliona euro të taksapaguesve të shkojnë vetëm për familjet që jetojnë dhe kontribuojnë brenda kufijve të Kosovës. Derisa ligji i ri të jetë gati, platformat digjitale do të jenë filtri kryesor që do të vendosë se kush do të mbetet në listat e përfituesve dhe kush do të largohet nga skema.

Çdo vit, Kosova largon mbi 40 milionë euro për shtesa për fëmijë. Ndërsa shumë familje përfitojnë këtë shumë parash, shumë të tjera nuk jetojnë këtu dhe vazhdojnë të përfitojnë nga buxheti i shtetit.