Shqiptari nga Kanadaja i bashkohet protestës para kryeministrisë
Protestohet kundër ligjit për zonat e mbrojtura dhe të drejtave për të vendosur
TIRANË — Një shqiptar nga Montreali i Kanadasë iu bashkua sot protestës për rrëzimin e qeverisë Rama që sot shënon ditën e 61-të. Nga podiumi i improvizuar para kryeministrisë, qytetari u tha protestuesve se të gjithë shqiptarët e Montrealit mbështesin kërkesat e protestuesve.
“Unë jam nga Montreali i Kanadasë, t’ju bashkohem juve të gjithëve. Një mesazh solidariteti e kemi nga protestuesit shqiptarë në Montreal. Ne do të bashkohemi në orën e juaj, protestojmë me ju bashkë!” tha ai.
Ai kërkoi shfuqizimin e ndryshimeve të vitit 2024 në ligjin për zonat e mbrojtura, kundërshtimin e akteve të njohura si paketa e maleve, dhe tërheqjen e projektligjit që parashikon kalimin e tokës bujqësore te personat fizikë dhe juridikë të huaj. Ai kërkoi transparencë të plotë dhe pjesëmarrje reale të qytetarëve në çdo vendimmarrje që prek tokën, pronën, pasurinë kombëtare.
“Nga Montreali ju themi qartë: Nuk jeni vetëm! Zëri juaj dëgjohet edhe përtej Shqipërisë. Vazhdoni paqësisht, me vendosmëri, dhe të padorëzuar. Ne jemi me ju,” shtoi ai.
Burim: Report Tv, https://report.al/shqiptari-nga-montreali-i-kanadase-ne-proteste-zeri-juaj-degjohet-edhe-pertej-shqiperise/
— Redaksia ZHURMA