Shqipëria mes tetë destinacioneve që duhen vizituar tani
Riviera Shqiptare vlerësohet nga gazetarja e udhëtimeve Becca Blond si një nga zonat më autentike dhe të pazbuluara të Evropës.
Vëmendja e udhëtarëve ndërkombëtarë është përqendruar te Shqipëria, e cila tërheq vizitorët përmes natyrës së saj të egër, bregdetit me ujëra bruz dhe çmimeve më të përballueshme. Në një shkrim të përhapur në platformën «Yahoo! Creators», gazetarja e udhëtimeve Becca Blond e ka futur vendin tonë në listën me tetë vende që ia vlen të vizitohen menjëherë.
Sipas shkrimit, pjesa e Rivierës Jugore, duke përmendur zona si Himara dhe Ksamili, sjell peizazhe të ngjashme me bukuritë e Kroacisë dhe Greqisë, por pa praninë e madhe të turistëve. Autorja sugjeron vizitimin e tyre para se turizmi masiv t'i transformojë plotësisht.