Shqiptar i dënuar dy herë për drogë shpëton deportimin nga Britania
Shtetasi 38-vjeçar ishte dënuar dy herë për trafikun e lëndëve narkotike
BRITANI E MADHE — Një shtetas shqiptar i cili është dënuar dy herë nga autoritetet britanike, për vepra që lidhen me trafikun e lëndëve narkotike, ka shmangur deportimin e tij nga Mbretëria e Bashkuar. Ai është Shpresim Koka, 38 vjeç, i cili argumentoi para gjykatës se vajza e tij e vogël vuan nga makthe dhe urinimi në shtrat.
Koka tha se gjendja e saj përkeqësohej sa herë ai ndodhej në burg. Një punonjës social madje paralajmëroi se vajza kishte nevojë për ndërhyrje terapeutike. Koka kishte shkuar në Angli si refugjat nga Kosova në vitin 2001, vetëm 14 vjeç.
Në vitin 2017, ai u dënua me 21 muaj burg për ndihmën ndaj një bande droge në pastrimin e parave. Në vitin 2022, ai u burgos për tre vjet të tjera për trafik kokaine. Më pas ai apeloi kundër planeve të reja për ta larguar, duke insistuar se vajza e tij do të vuante nëse ai do të dërgohej përsëri në Shqipëri. Robert Bates, nga Qendra për Kontrollin e Migracionit, i tha The Sun: “Ky hajdut nuk duhet të lejohet të vazhdojë të shqetësojë rrugët e Britanisë”.
Burim: Shekulli, shekulli.com.al
— Redaksia ZHURMA