Shoqata Illyria e Policisë së Nju Jorkut organizon mbrëmjen e tretë vjetore gala

Mbrëmja Gala e Shoqatës Illyria të Policisë së Nju Jorkut (NYPD Illyrian Society) u organizua nën udhëheqjen e presidentit të saj, Detektivit Mikeljan Agolli. Kjo ngjarje shënoi mbrëmjen e tretë vjetore gala të shoqatës, duke u shndërruar në një dëshmi të bashkimit, traditës dhe vlerave familjare e kombëtare. Të pranishëm në këtë ngjarje ishin zyrtarë të lartë, oficerë policie për komunitetin shqiptaro-amerikan të zbatimit të ligjit në Nju Jork, si dhe media “Alba Life”, e cila pasqyroi festën e suksesit dhe kulturës.

Atmosfera festive në sallë u hap me praninë e Bandës Muzikore të Policisë së NYPD-së dhe ekzekutimin e hymneve kombëtare, shqiptar dhe amerikan. Përpara nisjes së darkës dhe programit zyrtar, mbrëmja u bekua nga Kapelani Mysliman i Departamentit të Policisë së Nju Jorkut, Dr. Tahir Kukaj, i cili përfaqëson komunitetin shqiptar dhe atë mysliman në këtë njësi. Pjesë e dukshme e elegancës në sallë ishin edhe gratë police të pranishme.