Shasivari e Osmani: Ligji i gjuhëve duhet zbatuar në çdo institucion

PRISHTINË — Ministri i Drejtësisë, Jeton Shasivari, dhe drejtori i Agjencisë për Zbatimin e Gjuhës, Granit Osmani, kanë ndërmarrë hapa për forcimin e zbatimit të Ligjit për përdorimin e gjuhëve. Ligji përbën obligim ligjor dhe element thelbësor të sundimit të së drejtës, sigurisë juridike dhe qasjes së barabartë të qytetarëve ndaj institucioneve.

Ministri Shasivari konfirmoi përcaktimin e Ministrisë së Drejtësisë për forcimin e mekanizmave institucionalë që sigurojnë respektimin e dispozitave ligjore dhe garantimin e të drejtave gjuhësore të qytetarëve. Drejtori Osmani theksoi se Agjencia për Zbatimin e Gjuhës ofron mbështetje profesionale dhe praktike për institucionet shtetërore në zbatimin e Ligjit për përdorimin e gjuhëve.

Agjencia kujdeset për avancimin e përdorimit zyrtar të gjuhës shqipe, të cilën e flasin të paktën 20 për qind e qytetarëve, si e drejtë e garantuar me ligj. Në periudhën që vijon do të thellohet bashkëpunimi institucional, koordinimi dhe aktivitetet e përbashkëta që do të kontribuojnë në zbatimin më efikas dhe të vazhdueshëm të Ligjit për përdorimin e gjuhëve në të gjitha institucionet shtetërore. Burim: Shenja, https://shenja.tv/shasivari-dhe-osmani-ligji-per-perdorimin-e-gjuheve-duhet-te-zbatohet-ne-menyre-te-vazhdueshme-ne-te-gjitha-institucionet/
— Redaksia ZHURMA