Pse u vra Renis Domi?
Shqiptari 42-vjeçar u përplas me një Renault Clio në zonën e Bezzecca-s
PRISHTINË — Një 42-vjeçar shqiptar humbi jetën në një aksident të rëndë rrugor në Itali, pasi motoçikleta me të cilën udhëtonte u përplas me një automjet në zonën e Bezzecca-s, në provincën e Trentos. Ngjarja ndodhi pasditen e së dielës, më 12 korrik, duke shkaktuar pasoja fatale për drejtuesin e motorit. Viktima është identifikuar si Renis Domi, me origjinë shqiptare, i cili kishte jetuar prej disa kohësh në Concesio.
Ai ishte duke drejtuar një motoçikletë tip Yamaha R1 kur u përplas me një Renault Clio që drejtohej nga një grua 67-vjeçare nga Bezzecca. Sipas të dhënave paraprake, automjeti ishte duke kryer një manovër kthimi në momentin kur ndodhi përplasja.
Goditja rezultoi fatale për shqiptarin 42-vjeçar, i cili humbi jetën në vendngjarje. Në momentin e aksidentit, pranë tij ndodhej edhe një mik i tij që udhëtonte me një tjetër motoçikletë, rreth 100 metra larg vendit të përplasjes.
Drejtuesja e makinës mbeti e plagosur rëndë dhe u transportua në spitalin e Trentos për të marrë ndihmë mjekësore. Në vendngjarje mbërritën shërbimet e emergjencës dhe Patrulla Rrugore, e cila nisi hetimet për të zbardhur dinamikën e plotë të aksidentit dhe shkaqet që çuan në përplasjen fatale.
Burim: Ora News, https://www.oranews.tv/vendi/fotoemri-perplasje-fatale-ne-bezzecca-humb-jeten-shqiptari-42-vjecar-shofe-i1336708
— Redaksia ZHURMA