Pse i krahason Rama protestuesit me 'flamingo' dhe opozitën me 'sorra'?

TIRANË — Kryeministri Edi Rama ka reaguar sërish për protestën qytetare në bulevard, duke shkruar se "qëllimet e mira nuk mjaftojnë nëse nuk mbështeten te faktet, arsyeja dhe dialogu". Ai e ndan skenën në dy krahë: protestuesit e mirëfilltë, të cilët i "simbolizon me 'flamingot rozë'" për shkak të shqetësimit të tyre për mbrojtjen e natyrës, dhe aktorët politikë që i etiketon "sorra" dhe "korba".

Rama shpreh mirëkuptim për qytetarët e mobilizuar nga ky shqetësim, duke i konsideruar "të sinqertë" dhe duke thënë se "respekton shqetësimet e tyre". Por ai kritikon që ata, sipas tij, "nuk pranojnë të dëgjojnë argumentet, ekspertët dhe institucionet për të diskutuar zgjidhjet".

Metafora e dytë është më e ashpër. "Sorrat" dhe "korbat", sipas Ramës, "ushqehen me zhurmë, shpifje, teori konspirative dhe refuzim të fakteve". Ai akuzon se këta aktorë "po përpiqen të përdorin protestuesit për qëllime politike".

Kreu i qeverisë iu referua shprehjes "Rruga për në ferr është e shtruar me qëllime të mira", duke argumentuar se "kauzat, sado fisnike të jenë, mund të marrin drejtim të gabuar kur shkëputen nga realiteti dhe refuzojnë debatimin mbi faktet".

Burim: Zëri
— Redaksia ZHURMA